ᒥᐊᔨ ᕕᓕᐅᕐᑎ
ᑕᑯᓐᓇᓂᖅ
ᐊᓪᓚᓯᒪᔪᓂᑦ ᖃᕆᑕᐅᔭᒧᑦ ᑐᕐᖁᐃᕕᒃ
ᒥᐊᔨ ᐱᖓᓱᓂᑦ ᐅᑭᐅᕐᑎᓗᒍ, ᐃᓚᖏᑦ ᓅᑕᐅᓚᐅᕐᓂᖁᑦ ᐃᓄᑦᔪᐊᒥᑦ ᐊᐅᔪᑦᑐᒧᑦ 1955. ᖁᑦᓯᑐᓕᕐᓱᑎᒃ ᓱᓕ, ᒥᐊᔨ ᐳᕙᓪᓗᒋᐊᖓ ᖃᐅᔨᔭᐅᔪᕕᓂᖅ. ᑯᑦᔪᐊᒎᓗᒻᒥ ᐅᒥᐊᕐᔪᐊᒥᑦ ᓄᓈᕐᑎᑕᐅᓂᐊᓕᒐᒥ, ᖃᓪᓗᓇᑦ ᓄᓇᖓᓄᓪᓗ ᐊᐅᓚᑎᑕᐅᑦᓱᓂᓗ. ᐱᖓᓱᔪᕐᑐᓂᑦ ᑕᕿᓂᑦ ᐳᕙᓪᓗᑐᒃᑯᕕᒻᒥᓱᓂ ᒪᑐᕆᐊᓪᓚᒥ. ᐊᓇᕐᕋᑎᑕᐅᓐᓂᖁᖅ ᐃᓄᑦᔪᐊᒧᑦ ᑭᓯᐊᓂ ᐃᓚᖏᑦ ᑖᕙᓂᒍᓐᓇᐃᑎᓪᓗᒋᑦ. ᑕᐃᒪ ᖃᐅᓱᐃᑦᑐᒧᑦ ᐊᐅᓚᑎᑕᐅᓴᒐᑕᕐᓂᐊᓕᒐᒥ. ᒪᕐᕉᒃ ᐊᕐᖓᒎᒃ ᓇᒻᒪᓂᒃ ᑭᓯᐊᓂ ᐃᓚᒥᓄᕐ ᐊᐅᔪᑦᑐᒥᑦᑐᓄᑦ ᐊᓇᕐᒐᓕᕐᓂᖁᑦ.
ᐊᑎᒐ ᒥᐊᔨ ᕕᓕᐅᕐᑎ. ᐱᕈᕐᓴᓯᒪᕗᖓ ᐊᐅᔪᐃᑦᑐᒥᑎ. ᐃᓄᑦᔪᐊᒥ ᐃᓅᓕᕐᓂᑯᒐᓗᐊᕐᓱᖓ. ᐊᕐᕌᒍᓐᓂ ᒪᕐᕌᓂ ᐊᓯᐅᒪᓯᒪᑦᓱᖓᓗ ᑕᒐᑕᒐ ᐃᖃᓗᒻᒥᐅᒍᓕᕐᖁᖓ. ᐊᐅᓚᔨᕗᖓ ᑳᑦᑐᐊᓗᑦᓱᖓ. ᐃᓕᓴᕐᕕᑦ ᐅᒃᑯᐃᖓᓕᑐᐊᕐᒪᑦ ᐅᓪᓗᒍᒥᑕᕐᐸᓱᑕ ᖃᔪᕐᓂᑦ ᑲᒃᑲᓚᑦ ᐅᓪᓗᒍᒥᑕᑦᓴᖏᓐᓄᑦ. ᑭᓯᐊᓂ ᐊᓇᕐᕋᕋᑦᑕ ᓂᕿᖃᖕᖏᑐᖅ ᐅᕙᑦᑎᓂ. ᐅᐱᓐᓇᕋᓂ ᐃᓕᓴᕐᕕᒧᑦ ᑲᔪᖏᕐᐸᓚᐅᖁᒍᑦ ᐅᓪᓛᑯᑦ. ᑕᕙᓂ ᑭᓯᐊᓂ ᓂᕆᓚᖓᒐᑦᑕ, ᐃᓄᑦᑎᑑᖁᔭᐅᖕᖏᑲᓗᐊᕐᓱᑕ. ᑕᒪᒃᔭ ᐊᐅᓚᔨᔭᒐ.”
ᒥᐊᔨ ᕕᓕᐅᕐᑎ – ᐃᖃᓗᐃᑦ, 2011