ᓯᓚᖓᑕ ᐅᕐᖂᓂᕆᒍᓪᓗᓲᖓ ᐊᐅᒡᒍᓯᒥ: 0,7 °C
ᓯᓚᖓᑕ ᓂᓪᓕᓇᕐᓂᕆᒍᓪᓗᓲᖓ ᔭᓄᐊᕆᒥ: -31°C

ᑕᐱᑕ ᒧᓕᓐ – ᓯᕗᓕᕐᑎᖓ ᖃᐅᓱᐃᑦᑐᒥᐅᑦ (2012)

ᖃᐅᓱᐃᑦᑐᖅ Cornwallis ᕿᑭᕐᑕᖓᑕ ᓯᕿᓂᖓᓃᒃᑯᖅ, ᑕᕐᕋᐅᑉ ᐃᑭᕋᓴᕐᔪᐊᑉ ᓯᕗᕋᓪᓗᐊᖓᓂ. ᑕᒫᓂ ᐊᑑᑎᓯᒪᔪᕐᑕᓕᒻᒪᕆᐅᕗᖅ, ᐃᖏᕐᕋᕕᒋᑦᓱᒍ ᑕᒻᒪᓇ ᐊᕙᑖ ᑕᑯᕕᐅᓲᖑᕗᖅ ᐃᓄᕐᖄᕕᓂᑦ ᓄᓇᑐᕐᓕᖏᓐᓂᒃ.

160ᓃᑦᑐᑦ ᖃᐅᓱᐃᑦᑐᒥᐅᑦ. ᐊᐅᓪᓛᕕᐅᓪᓗᐊᓲᖑᖕᖏᑐᖅ. ᑭᓯᐊᓂ ᐱᐊᕋᕗᑦ ᐱᕈᓕᕐᑐᑦ, ᑕᐃᒪᐃᒻᒪᑦ ᐃᓪᓗᓂᒃ ᑭᖕᖒᒪᑦᓯᕗᒍᑦ. ᑕᒫᓂᒥᐅᕈᕐᑐᑦ ᐃᓕᓐᓂᐊᑎᑦᓯᔨᕙᓪᓗᐃᑦ ᐱᓇᓱᑦᑏᓗ ᑐᔪᕐᒥᐅᕖᓐᓂ Norwal Hotel, South Camp Innᒥᓗ

ᐊᓯᑦᔨᓯᒪᔪᕋᑕᖅ ᐱᕈᕐᓯᒪᓕᕐᑎᓗᖓ. ᑕᐃᑦᓱᒪᓂᓕ ᐱᕈᕐᑐᖃᕐᑑᔮᕐᓯᒪᖕᖏᑐᖅ, ᐅᓪᓗᒥᓕ ᐱᕈᕐᑐᖃᕐᓂᓴᐅᓕᕐᑐᖅ. ᓄᓇᕐᔪᐊᑉ ᐅᕐᖂᓯᕙᓪᓕᐊᓂᖓ ᑕᒪᑦᓱᒥᖓ ᑕᐃᒪᐃᑎᑦᓯᔪᖅ.

ᐅᐱᕐᖓᓴᒥ ᐊᒥᓱᑦ ᐊᐅᓪᓛᓯᒪᓲᑦ, ᒪᖃᐃᑦᓱᑎᒃ ᐱᓇᓱᐊᕈᓯᓕᒫᒥ ᒪᕐᕉᓂᓪᓘᓃᑦ ᓯᑯᖃᕐᓂᖓ ᒪᓕᑦᓱᒍ. ᑕᕐᕋᒥ ᐃᑭᕋᓴᕐᔪᐊᖅ ᐊᕐᕌᒍᓂ ᐱᖓᓲᔪᕐᑐᓂ ᑐᕙᓚᐅᔪᖕᖏᒪ ᑕᒡᒐᓂ ᐊᕐᕌᒍᒥ ᑐᕙᑦᓴᕋᑕᕐᑐᖅ. (…) ᐃᓄᐃᑦ ᐃᑳᓲᑦ ᕿᑭᕐᑕᓄᑦ ᐅᒥᒻᒪᓂᐊᕆᐊᕐᓱᑎᒃ ᑐᑦᑐᓯᐅᕆᐊᕐᓱᑎᓗ. ᑕᒫᓂ ᑕᒪᒃᑯᐊ ᐱᑕᓕᐅᒐᓗᐊᑦ, ᐱᑕᖃᐃᓐᓇᖁᓪᓗᒋᑦ ᑐᑭᑖᕐᓯᒪᕗᒍᑦ ᒪᖃᐃᑦᑐᓕᕆᔨᒃᑯᓗ ᕿᑭᕐᑕᓃᑦᑐᓂᒃ ᐱᒐᓱᐊᖃᑦᑕᓚᖓᖕᖏᒋᐊᒥᒃ. (ᐊᑐᐊᕐᓯᒋᐊᓪᓚᕆᑦ)

ᐅᑭᐅᖑᓕᕐᒪᑦ ᐃᓗᐃᑦᑐᓂᒃ ᑲᐃᕙᓪᓚᒍᓯᕐᓂ ᐱᓇᓱᓲᖑᕗᖓ, ᕿᑲᓕᕋᒪᓗ ᐳᐃᔨᓯᐅᕈᑦᔨᓲᖑᑦᓱᖓ ᐃᓚᒃᑲᓂ, ᕿᒧᑦᓰᓐᓂᓗ ᓂᕆᒃᑲᐅᑎᑦᓴᓂ ᐃᑲᔪᕐᓯᒍᒪᒧᑦ. ᐅᑭᐅᒥ ᒪᖃᐃᓐᓇᖏᓐᓇᓲᖅ. ᑖᕐᑑᖏᓐᓂᓴᐅᓲᖑᓕᕐᓱᓂᓗ ᑕᐃᑦᓱᒪᓂᓂᑦ ᐅᓪᓗᑯᑦ ᖃᐅᒪᒐᓚᓲᖑᓕᕐᑐᖅ. ᐅᓐᓄᐊᒥ ᓄᕗᔭᖃᖕᖏᑐᐊᕐᒪᑦ ᑲᑦᔮᓇᒻᒪᕆᓲᖅ, ᑕᕐᕿ ᖃᐅᒪᑎᑦᓯᓲᖅ.

ᐊᐅᔭᒥ, ᓯᑯᐃᕋᑦᑕ, ᐃᓄᐃᑦ ᐅᒥᐊᕐᑐᕋᓕᓯᓲᑦ ᕿᑭᕐᑕᓄᑦ ᐊᐅᓪᓛᓯᒪᒋᐊᕐᑐᓱᑎᓪᓗ. ᒫᓐᓇᑯᑦ ᐊᐅᔭ ᐅᕐᖂᔪᕋᑕᐅᓲᖑᓕᕐᒪᑦ, @)ᒥ ᐅᕐᖂᓂᖃᖃᑦᑕᓱᓂ ᐊᓪᓛᑦ ᑕᐃᒪᐃᓲᖑᒐᓂ. ᐅᑭᐅᒥᓗ ᐃᑦᔨᓕᕐᑐᐊᓘᑦᓱᓂ 40ᒥ ᓂᓪᓕᓇᕐᓂᖃᖃᑦᑕᓱᓂ ᐊᓄᕆᖓ ᐃᓚᐅᑎᓐᓇᒍ, ᑕᒪᓐᓇ ᐃᓱᒪᒋᖕᖑᐊᕈᒃ ᐊᑏ!

ᐅᑭᐊᑦᓴᒥ (…) ᖁᐊᕐᐸᓕᐊᓕᕐᒪᑦ ᐱᐅᔫᓲᖅ. ᐱᓇᐃᓗᑕᖕᖑᓲᑦ ᓇᓄᐃᑦ¡ ᑎᑭᕌᖃᑦᑕᓯᓲᖑᒻᒪᑕ ᐅᑦᑑᐱᕆᒥ, ᓅᕕᒻᐱᕆᒥ, ᑏᓯᒻᐱᕆᒥᓗ. ᑕᒪᓐᓇ ᓱᖏᐅᓐᓂᕆᑐᐃᓐᓇᑕᕗᑦ ᑕᐃᒪᐃᑦᑐᑐᖃᐅᒻᒪᑦ.

ᓄᓇᕐᔪᐊᑉ ᑲᑦᔨᖓᓂ – On top of the world

ᐊᐅᓚᔪᓂᖅ ᐃᓅᓱᑦᑐᒧᑦ ᓄᓇᓕᒻᒦᒧᑦ ᐃᓕᓴᕐᓱᑎᒃ ᐊᑦᔨᓕᐊᕕᓂᖏᑦ! ᐲ-ᔭᐃ ᐊᑦᑕᒎᑕᖅ, ᓖᕙᐃ ᑲᐅᑕᓗ ᖃᐅᓱᐃᑦᑐᓕᒫᒥ ᐊᐱᕐᓲᔭᓚᐅᔪᕘᒃ ᐃᓄᓐᓂᒃ ᓱᓇᒥ ᐱᐅᑦᓴᓂᕐᐸᐅᒪᖓᑕ ᓄᓇᓕᒻᒥᓂ. ᓄᓇᕐᔪᐊᑉ ᑲᑦᔨᖓᓂ Oᓴ ᑎᓕᔨ ᓕᑯ ᑎᓱᕿ ᐱᓕᑭᓗᖁ ᑕᑯᓐᓇᓂᐅᕗᖅ ᓄᓇᓕᒻᒥ ᖁᑦᓯᓂᐹᑦ ᐃᓚᖓᓐᓂ ᑲᓇᑕᒥ ᐃᓄᖁᑎᐊᐱᖏᑎᒍᑦ.