ᒥᑦᑎᒪᑕᓕᒃ

ᐃᓄᑦᑕᖏᑦ : 1315

ᐃᑳᖓᓂᖓ: 72°41’22” N
ᑐᑭᒧᐊᓐᓂᖓ: 77°58’08” W


ᓯᓚᖓᑕ ᐅᕐᖂᓂᕆᒍᓪᓗᓲᖓ ᐊᐅᒡᒍᓯᒥ: 5°C
ᓯᓚᖓᑕ ᓂᓪᓕᓇᕐᓂᕆᒍᓪᓗᓲᖓ ᔭᓄᐊᕆᒥ : -28,7°C

ᔮᓱᐊ ᐋᕆᐊ – ᓯᕗᓕᕐᑎᐅᑉ ᑐᖓᓕᖓ ᒥᑦᑎᒪᑕᓕᒻᒥ

ᒥᑦᑎᒪᑕᓕᒃ ᕿᑭᕐᑖᓘᑉ ᓄᕗᐊᓃᒃᑯᖅ ᑕᕐᕋᖓᓂ. ᑕᑯᒍᒥᓇᕐᑐᖁᑎᖏᑦ ᖃᕐᖃᖏᑦ ᓄᓇᖓᑕᓗ ᖃᓄᐃᑦᑑᓂᖓ. ᑎᒻᒥᐊᑦ ᐃᓂᖃᕐᖁᑦ ᕿᖏᕐᑕᐃᑦ ᒥᑦᓯᓖᒫᖏᓐᓂ, ᐊᓪᓚᖑᐊᖃᕐᓱᑕᓗ, ᓇᓄᐃᓪᓗ, ᒥᕐᖑᐃᓯᕐᕕᓗ ᑕᐃᔭᖅ ᓯᕐᒥᓕᒻᒥᒃ.

ᔫᓂᒥ ᓯᕿᓂ ᐊᕙᓗᑐᐃᓐᓇᓲᖅ ᓂᐱᓚᐅᕐᓯᒪᒐᓂ. ᑕᐃᒪᐃᓲᖅ ᐊᐅᒡᒍᓯᒥ ᐱᓇᓱᐊᕈᓯᐅᑉ ᑐᖓᓕᐊᓄᑦ ᑎᑭᑦᓱᓂ ᑕᕐᓯᕙᓪᓕᐊᖃᑦᑕᓯᓲᖅ. ᓅᕕᒻᐱᕆᐅᑉ ᐃᓱᐊᓂ ᓯᕿᓂᖅ ᓂᐱᓲᖅ ᓄᐃᑦᓵᓚᕈᓐᓇᐃᓱᓂ ᑕᕐᕿᓂ ᐱᖓᓱᓂᒃ. ᖃᐅᒪᓂᖃᓲᖑᒐᓗᐊᖅ ᓴᕐᖃᒥ, ᕿᐅᔭᓇᕐᑐᕋᑕᐅᓲᖅ, -40ᒧᑦ ᑎᑭᓲᖑᒻᒪ ᓂᓪᓕᓇᕐᓂᖓ ᐅᑭᐅᒥ ᐊᕐᕌᒎᓚᐅᔪᒥᓗ ᐅᕐᖂᓂᕗᑦ 18ᒨᓚᐅᔪᕐᖂᓱᓂ ᔪᓚᐃᒥ. ” (ᐊᑐᐊᕐᓯᒋᐊᓪᓚᕆᑦ)

ᐅᑭᐅᒥ ᕿᐅᔭᓇᕐᑐᖅ ᐃᑕᒋᑦᑕᐃᑦᑑᑦᓱᓂ. ᐸᕐᓇᓯᒪᑎᓐᓇᒃ ᒪᖃᐃᒍᕕᑦ ᐱᕐᓯᓕᐅᑦᔭᐅᓗᑎᑦ, ᕿᐅᒍᓐᓇᑐᑎᑦ. ᐊᓐᓄᕌᕐᓯᒪᑦᓯᐊᕆᐊᖃᕐᖁᑎᑦ ᐸᕐᓇᓯᒪᑦᓯᐊᓗᑎᑦ. ᐅᐱᕐᖓᓴᒥ, ᐃᓄᐃᑦ ᐊᐅᓪᓛᓯᒪᖃᑦᑕᓲᑦ, ᒪᖃᐃᑦᓱᑎᓗ, ᐊᓕᐊᓱᐊᑦᓱᑎᒃ ᐃᓅᓯᕐᒥ. ᑲᐃᕙᓪᓚᒍᓯᑐᕐᓱᑎᒃ ᐊᒥᓱᓂᒃ ᓯᓚᒥ, ᑖᕐᓯᓲᖑᖕᖏᒪᑦ (…) ᐅᕐᖂᓂᕐᓴᐅᓱᓂᓗ ᐊᓐᓄᕌᓪᓗᐊᕆᐊᑐᒐᓂ. ᐊᐅᔭᒥ, ᓯᑯᐃᕐᒪᑦ ᓇᒧᑐᐃᓐᓇᖅ ᐅᒥᐊᕐᑐᕈᓐᓇᓇᕐᑐᖅ ᓯᓚ ᒪᓕᑦᓱᒍ.

ᐅᐸᐅᑎᑲᓪᓚᖃᔭᕐᓇᖏᑦᑐᒦᒃᑯᒍᑦ, (…) ᐊᑭᑐᔪᐊᓗᒻᒥ. ᓂᕿᑐᐃᓐᓇᓄᑦ ᐊᓐᓇᐅᒪᒐᓱᐊᕐᑐᖃᕐᓗᓂ ᑭᓯᐊᓂᐅᒻᒥᔪᖅ. ᐊᑦᓱᕈᕐᓇᕈᑎᒋᓚᕿᔪᕆᔭᕋ ᐅᑭᐅᕐᑕᑐᒥᐅᖑᒋᐊᖅ ᐊᑭᑐᔫᓂᖓ ᐃᓅᒐᓱᐊᕈᑏᑦ ᖃᖓᑦᑕᐅᑏᓪᓗ. ᑕᐅᓄᙵᕈᒪᒍᑦᑕ ᐋᑐᕚᒧᑦ, ᐊᑭᑐᓂᕐᓴᐅᕗᖅ ᐋᑐᕚᓕᐊᕐᑐᖃᕐᓂᐸᑦ ᑕᕆᐅᑉ ᐊᑭᐊᓂ ᐱᔪᒥᒃ.

ᑕᐃᑦᓱᒪᓂ ᐃᓄᐃᑦ ᐊᐅᓪᓛᓯᒪᕕᒻᒥᐅᖑᓯᒪᕗᑦ, ᐃᓚᒌᑐᐃᓐᓇᐅᓱᑎᒃ ᓯᕗᓕᕐᑎᖃᕐᓱᑎᒃ; ᐃᓚᒌᓂ ᓂᐅᖁᕆᑦᓱᒍ. ᐊᒥᓲᕙᓐᓂᒥᔪᑦ ᑭᓯᐊᓂ ᐱᒍᓐᓇᖃᑦᑕᓯᒪᔪᑦ ᐊᑦᑕᓇᕐᑐᒥᓗ ᓯᓚᖃᕐᓱᑎᒃ ᐅᑭᐅᕐᑕᑑᑉ ᓯᓚᖓᓂᒃ. ᐊᒥᓱᓂᒃ ᐊᐅᓛᓯᒪᕕᒻᒥᐅᓂᒃ ᐃᓚᒌᓂᒃ ᓄᓇᓯᒪᔪᖃᖃᑦᑕᓯᒪᕗᖅ ᑕᒫᓂ ᐊᕙᑖᓂ. ᐊᓯᑦᔨᕙᓪᓕᐊᓂᕐᑕᖃᓕᕐᒪᑦ ᑲᑕᑦᑕᐅᑐᐃᓐᓇᓱᑎᒃ ᓄᓇᓕᒻᒧᑦ ᐊᑕᐅᓯᕐᒧᑦ ᓇᓗᓕᑐᐃᓐᓇᑐᕕᓂᐅᕐᖂᑐᑦ; ᑭᓈ ᓯᕗᓕᕐᑐᓴᐅᓕᕐᖃ ᐊᖓᔪᕐᖃᐅᓂᖓ ᐲᕐᑕᐅᑐᐃᓐᓇᓱᓂ ᓲᕐᓗ ᓄᓇᓕᒻᒨᑕᐅᑦᓱᑎᒃ. ᑭᓯᐊᓂ ᐊᕐᕌᒍᐃᑦ ᐊᓂᒍᕐᑎᓗᒋᑦ ᐊᓯᑦᔨᓂᒻᒪᕇᓪᓗ, ᐃᓄᐃᑦ ᐊᓐᓇᓯᒪᔪᑦ ᐊᓐᓇᒋᐊᓪᓚᓚᖓᑦᓱᑎᓗ.