ᐃᖃᓗᐃᑦ

ᐃᖃᓗᐃᑦ, « ᐃᖃᓗᓕᒃ »

Capital of Nunavut

ᐃᓄᑦᑕᖏᑦ : 7,250

ᐃᑳᖓᓂᖓ: 68°33’00” O
ᑐᑭᒧᐊᓐᓂᖓ: 63°45’00” N

ᓯᓚᖓᑕ ᐅᕐᖂᓂᕆᒍᓪᓗᓲᖓ ᐊᐅᒡᒍᓯᒥ: 7,6°C
ᓯᓚᖓᑕ ᓂᓪᓕᓇᕐᓂᕆᒍᓪᓗᓲᖓ ᔭᓄᐊᕆᒥ: -25,7°C

ᒪᑕᓕᓐ ᕆᑦᕘᓐ – ᓯᕗᓕᕐᑎ ᐃᖃᓗᓐᓂ (2012)

« ᐃᖃᓗᐃᑦ ᐊᑦᔨᐅᖏᑦᑑᓱᓂ ᖃᐅᔨᒋᐊᓪᓚᕈᒥᓇᕐᑑᕗᖅ. ᑲᓇᑕᒦᑦᓱᓂ ᖃᐅᔨᒪᓪᓗᐊᖏᑦᑐᑦ ᐃᓄᐃᑦ ᓄᓇᕗᑦᑕ ᐊᖏᔫᑎᒋᓂᖓᓂᒃ; ᓄᓇᕗᑦ ᐊᖏᓂᖓ 2 ᒥᓕᐊᓐ ᑭᓛᒥᑕᐃᑦ ᓯᒃᑭᑕᐅᓈᕐᑎᑐᑦ. ᐃᖃᓗᐃᑦ ᐊᓯᑦᔨᕙᓪᓕᐊᖏᓐᓇᓕᒫᕐᑐᖅ, ᐊᖏᓕᕙᓪᓕᐊᓱᓂ ᑲᑦᔮᓇᓪᓚᕆᑦᓱᓂᓗ!

ᐅᑭᐊᑦᓴᒥ ᓂᓪᓕᓇᕐᓂᖓ ᔨᕉᓪᓗ -15ᓗ ᐊᑯᓐᓂᖓᓃᖃᑦᑕᓲᖅ. ᕿᐅᔭᓇᕐᓯᒋᐊᓪᓚᓲᖅ ᐅᑭᐅᖑᓕᕐᒪᑦ, ᓂᓪᓕᓇᕐᓂᕆᒍᓪᓗᓲᖓ -15, -40 ᐅᓪᓗ ᐊᑯᓐᓂᖓᓂ ᑕᐃᒪ ᐊᓄᕆ ᐃᓚᐅᑎᓪᓗᒍ ᕿᐅᔭᓇᕐᓂᓴᐅᑦᓱᓂ. ᐅᐱᕐᖓᓴᒥ ᐱᐅᔪᕐᔪᐊᕌᓘᓲᖅ ᐅᓪᓗᑐᓯᓕᕐᓱᓂ ᑭᓯᐊᓂ ᐅᑭᐅᖑᖁᑎᒋᔭᐅᖏᓐᓇᓱᓂ ᓯᕿᓂᕐᓯᒥᐅᓄᑦ (…) ᐊᐳᑎᓕᐊᓘᖏᓐᓇᓱᓂ ᓯᑯᖃᖏᓐᓇᓱᓂᓗ ᑭᓯᐊᓂ ᕿᓪᓛᒋᐊᓲᖅ.

ᐃᖃᓗᒻᒥᐅᑦ 7,250 u5ᓵᓃᑦᑐᑦ ᐊᕐᕌᒍᑕᒫᓪᓗ ᐃᓚᒋᐊᖃᑦᑕᓱᑕ 300ᓄᑦ ᑕᒫᓂᒥᐅᕈᕐᑐᓄᑦ, (…) ᑕᒪᓐᓇ ᐱᐅᔪᒻᒪᕆᒃ! ᐃᓄᖁᑎᕗᑦ ᒪᕐᕈᕕᓪᓗᐊᑐᒥᒃ ᐊᒥᓱᙳᒋᐊᕐᓯᒪᔪᑦ 1999ᒥᓂᑦ. ᐃᓄᐃᑦ ᐃᓱᒪᓕᕋᒥᒃ ᓄᓇᓕᒻᒥᒃ ᐃᓄᖃᑐᐃᓐᓇᑐᒥ 7000 ᓂᒃ, ᐃᓱᒪᓲᖑᒻᒪᑕ. “ᒥᑭᔪᐊᐱᐅᑦᓱᓂ ᐅᐃᒻᒪᓕᖕᖏᑑᕐᖂᑐᖅ”. ᑕᐃᒃᑯᑎᑑᓇ ᐃᓪᓗᒐᓴᐃᑦ ᓯᓚᑖᓂ ᓄᓇᓖᑦ ᓄᓪᓚᖓᒻᒪᕆᑦᑐᑦ, ᑭᓯᐊᓂ ᓄᓪᓚᖓᖕᖏᑐᒍᑦ ᑲᕙᒪᖃᕐᕕᐅᒐᑦᑕ.

ᓱᓇᑐᐃᓐᓇᓂ ᐊᑑᑎᔪᖃᐃᓐᓇᖁᖅ ᑕᒫᓂ; ᐋᓐᓂᐊᕕᑐᐊᖅ ᑕᒫᓃᑦᑐᖅ ᐊᕙᑎᑦᑎᓂ. ᐃᕐᖃᑐᐃᕕᖃᕐᑐᒍᑦ ᑎᒍᔭᐅᒪᕕᒻᒥᓗ, ᒪᓕᒐᓕᕆᕕᕐᔪᐊᖃᕐᓱᑕᓗ (…) ᑲᑎᒪᒋᐊᕐᕕᐅᖃᑦᑕᓲᖅ ᐊᕙᑎᑦᑎᓂ ᐱᓯᒪᔪᓂᒃ, ᑲᓇᑕᓕᒫᒥᓗ, ᓄᓇᕐᔪᐊᒥᓗ ᓇᑭᑐᐃᓐᓇᖅ ᐱᓯᒪᔪᓂ. ᖃᓄᑐᐃᓐᓇᖅ ᓱᖃᑦᓯᓂᕐᑕᖃᓲᖑᕗᒍᑦ ᑕᒫᓂ.

ᓄᓇᓯᒪᔪᖁᑎᕗᑦ ᐊᑯᓂᕆᙱᑑᖃᑦᑕᓲᑦ; ᐃᓄᐃᑦ ᑕᒫᓃᖃᑦᑕᓲᑦ ᐊᕐᕌᒍᓕᒫᒥ, ᒪᕐᕉᓂᓪᓘᓃᑦ, ᐱᖓᓱᓂᓪᓘᓃᑦ, ᑕᐃᒪᐃᒻᒪᑦ ᒪᓕᑦᑎᑐᑦ ᐃᓄᓐᓂᒃ ᓄᑖᓂᒃ ᖃᐅᔨᒪᖕᖏᑐᓂᒃ ᐊᕙᑎᑦᑎᓂ, ᐃᓗᕐᖁᓯᑦᑎᓂ ᑎᑭᑦᑐᖃᖃᑦᑕᓲᖑᕗᖅ ᖃᐅᔨᓯᒪᑦᓱᑕᓗ ᐊᕐᕌᒍᓕᒫᒐᓚᒻᒥ ᐃᓄᐃᑦ ᑐᑭᓯᕙᓪᓕᐊᓯᓲᖑᒋᐊᖏᑦ ᐊᑑᑎᓯᒪᔭᑦᑎᓂ ᐱᓇᓱᐊᕐᑕᑎᓐᓂᓗ. ᑕᐃᒪᐃᒻᒪᑦ ᐱᒍᑦᔨᒍᑕᐅᔪᑦ ᐅᓚᐱᑕᐅᖃᑦᑕᓲᖑᕗᑦ, (…) ᑕᐃᒪᙵᑦ ᐱᓇᓱᖃᑎᖃᕆᐊᖃᓲᑦ ᕿᑐᕐᖓᓯ ᐃᓕᓐᓂᐊᑎᑦᓯᔨᓂᒃ ᓄᑖᓂᒃ, ᐱᓇᓱᐊᖃᑎᖃᕆᐊᖃᐃᓐᓇᓱᑕᓗ ᐋᓐᓂᐊᓯᐅᕐᑎᓂ ᓄᑖᓂᒃ, ᐊᓪᓚᕕᓐᓂᓗ ᐱᓇᓱᑏᑦ ᓄᑖᑦ, ᒪᓕᒐᓕᐅᕐᑏᑦ. ᒪᓕᒐᐃᑦ ᐃᓚᖓᓂ ᓈᒻᒪᓈᖕᖏᑐᐃᓐᓇᕆᐊᓖᑦ ᐃᓗᕐᖁᓯᕗᑦ ᒪᓕᑦᓱᒋᑦ, ᐅᑉᐱᕆᔭᕗᑦ, ᓯᕗᓪᓕᐅᔨᒍᒪᔭᕗᓪᓗ.