ᐃᓄᑦᔪᐊᖅ
ᐃᓄᑦᔪᐊᖅ
ᐃᓄᑦᑕᖏᑦ : 1597
ᐃᑳᖓᓂᖓ: 58° 27′ 15.02″ N
ᑐᑭᒧᐊᓐᓂᖓ: 78° 6′ 7.01″ W
ᓯᓚᖓᑕ ᐅᕐᖂᓂᕆᒍᓪᓗᓲᖓ ᐊᐅᒡᒍᓯᒥ: 11°C
ᓯᓚᖓᑕ ᓂᓪᓕᓇᕐᓂᕆᒍᓪᓗᓲᖓ ᔭᓄᐊᕆᒥ: -20,8°C
ᓯᐊᓯ ᓯᒪᐃᓚ ᐃᕐᕈᒥᐊ – ᓯᕗᓕᕐᑎᐅᑉ ᑐᖓᓕᐊ ᐃᓄᑦᔪᐊᒥ – 2011
ᐃᓄᑦᔪᐊᖅ ᐃᑎᕕᐊᓃᒃᑯᖅ ᑯᐸᐃ ᑕᕐᕋᖓᓂ, ᓄᓇᕕᒻᒥ ᑕᐃᔭᐅᔪᒥ. ᐃᓄᖏᑦ 1,500 ᒥᑦᓵᓃᑦᑐᑦ. ᐊᕐᕋᒍᐃᑦ ᐊᒥᓱᑦ ᓈᓕᕐᖁᑦ ᑕᐃᔭᐅᒍᓯᖃᓚᐅᕐᑎᓗᒍPort Harrison ᒥᒃ ᐊᓯᑦᔨᓚᕿᓯᒪᔪᖅ ᑯᐸᐃᒻᒥᐅᑦ ᑕᒪᐅᖕᖓᒪᑕ ᐃᓄᑦᔪᐊᒥ ᑕᐃᔭᐅᖔᓯᑦᓱᓂ, ᑐᑭᖓ ᐃᓄᒃ ᐊᖏᔪᖅ, ᐃᓄᑉᐸᒃ.
ᑰᑉ ᓯᓈᓂ ᓄᓇᖃᕐᖁᒍᑦ. ᑕᓪᓕᒪᓂᒃ ᐱᖓᓲᔪᕐᑐᓂᓪᓘᓂᑦ ᑰᒻᒪᕆᐊᓗᓐᓂᒃ ᐱᑕᖃᕆᐊᓪᓚᖁᖅ ᑕᑉᐹᓂᒋᐊᖅ. ᑲᑦᔮᓇᓪᓚᕆᑦᑐᖅ. ᐃᒪᕐᐱ ᑕᑯᑦᓴᖅ, ᑲᖏᕐᓱᖓᓗ (…) ᐱᐅᓂᕐᐹᖁᑎᖏᓪᓗ ᓄᓇᑦᑕ ᑕᑉᐱᑯᐊ ᕿᑭᕐᑕᐃᑦ ᑕᐃᔭᕗᑦ Hopewell ᒃ. ᐆᒪᔪᓕᒻᒪᕆᒃ ᑕᒫᓂ, ᓇᑦᓯᓕᒃ, ᐃᖃᓗᓕᒃ, ᑎᕆᒐᓐᓂᐊᑦ, ᑐᑦᑐᐃᑦ. ᓂᕿᒋᕙᓪᓗᑕᕗᑦ ᑐᑦᑐ. ᖃᐅᑕᒫᑦ ᐱᓲᕗᑦ ᐊᕐᐸᕌᒍᓂ 30 ᒐᓚᓐᓂᒃ. ᑭᓯᐊᓂ ᐊᓯᑦᔨᓕᕐᑐᖅ (…) ᑐᑦᑐᐃᑦ ᖃᓂᙱᓕᓕᕐᒪᑕ ᑕᐃᒪᐃᒻᒪᑦ ᐃᖃᓗᑦᑐᓂᕐᓴᐅᓕᕐᑐᒍᑦ ᐳᐃᔨᓂᓪᓗ. ( ᐊᑐᐊᕐᓯᒋᐊᓪᓚᕆᑦ )
ᓂᕆᒍᓯᕗᑦ ᐃᓗᕐᖁᓯᑦᑎᓂ ᐊᓯᑦᔨᓯᒪᙱᑐᖅ, ᖁᐊᕐᓂ ᓂᒃᑯᓂᓪᓗ, ᑭᓯᐊᓂ ᐅᓪᓗᒥ ᐱᐅᓯᖅ ᐊᑐᕐᑕᐅᒪᕆᑦᑐᖅ. ᓂᕐᓯᐅᓂᕗᑦ ᑕᐃᑦᓱᒪᓂᑎᑐᑦ ᑕᐃᒪᐃᖏᓐᓇᑐᖅ. ᒥᓯᕋ ᐱᔭᐅᓪᓚᕆᖏᓐᓇᑐᖅ, ᒥᓲᑦᑕᕈᑎᒋᒐᑦᑎᒍ ᓂᕆᔭᑦᑎᓄᑦ ᓱᓇᑐᐃᓐᓇᓄᑦ, ᐃᖃᓘᑉᐸᑦ, ᐳᐃᔨᕕᓂᐅᑉᐸᑦ, ᐱᑦᓯᓘᓐᓂᑦ. ᕿᑦᑕᐃᖓᔮᖃᑦᑕᓕᕆᕗᒍᑦ ᐊᕐᐱᑕᕐᓇᓯᒻᒥᒪᑦ ᓄᓂᕙᓐᓇᓯᒻᒥᒪᑦ.
ᐃᓅᓂᕋᓂ ᐊᓯᑦᔨᓂᕐᑕᖃᕐᓯᒪᔪᕋᑕᖅ. ᐱᕈᕐᓴᓯᒪᕗᖓ ᑰᑉ ᐊᑭᐊᓂ, ᐃᓪᓗᔪᐊᕐᑕᖃᕐᓯᒪᔪᖅ ᐊᒥᓲᖕᖏᑐᓂ ᐳᑭᕐᑕᓕᒃᑯᓂ, ᐃᖏᕐᕋᔪᓕᕆᔨᒃᑯᓂ (…) ᓄᓇᓕᖃᓚᐅᕐᓯᒪᔪᖅ ᑰᑉ ᐊᑭᐊᓂ. ᓄᓇᓕᒋᐊᓪᓚᖃᓚᐅᕐᓯᒪᕗᖅ. ᐊᒥᓲᖕᖏᑐᓂ ᐃᓪᓗᖃᓚᐅᕐᓯᒪᔪᖅ ᑕᒪᓐᓇ (…) ᐊᓐᓂᐊᕕᒻᒥ, ᖃᑦᓴᓐ ᐱᒃᑯᓂ ᐃᓕᓐᓂᕕᒻᒥᓗ.
8ᓂᒃ 9ᓕᓪᓘᓂᑦ ᐅᑭᐅᖃᕐᑎᓗᖓ, ᐃᓪᓗᕕᒐᕐᒥᐅᖃᑲᓪᓛᖏᓐᓇᓯᒪᕗᖅ ᑕᒫᓂ ᐃᓚᖏᓪᓗ ᑐᐱᕐᒥᐅᖑᖏᓐᓇᓱᑎᒃ ᖃᕐᒪᓂᓪᓗ; ᑐᐱᐅᑦᓱᑎᒃ ᓴᓂᕋᖏᑦ ᐊᐳᑎᑕᓖᑦ. ᐊᓯᑦᓯᓂᕐᑕᓕᒻᒪᕆᒃ.
ᐅᕕᒐᖏᓐᓇᑎᓪᓗᖓ ᐃᓄᖃᓪᓗᐊᓯᒪᖕᖏᑐᖅ, ᑕᒫᓂᒥᐅᖑᓕᕐᑐᓕᒫᑦ ᐊᐅᓪᓛᓯᒪᕕᒻᒥᐅᖑᓯᒪᒻᒪᑕ. ᐱᖓᓲᔪᕐᑐᒐᓚᐃᑦ ᐊᐅᓪᓛᓯᒪᕕᐅᖃᑦᑕᓯᒪᔪᑦ ᓄᓇᓕᐊᕉᑦᓱᑎᒃ ᑕᐃᒪ ᐃᓕᓐᓂᐊᓂᖅ ᐱᒋᐊᕐᒪᑦ ᑕᒪᐅᖕᖓᑐᐃᓐᓇᐅᒋᐊᖃᓯᑦᓱᑎᒃ (…) ᑕᒪᓐᓇ ᐊᓯᑦᓯᓂᒻᓚᕆᕕᓂᖅ.
ᐃᓗᕐᖁᓰᕐᓯᓯᒪᕗᒍᑦ ᑕᒪᒃᑰᓇ ᐊᓯᑦᔨᓂᒃᑰᓱᑕ, ᐃᓗᕐᖁᓯᑦᑎᓂ ᐊᑐᑦᓯᐊᕈᓐᓇᐃᓯᒪᒐᑦᑕ. ᑕᐃᒪᐃᒻᒪᑦ ᐊᑐᑦᓯᐊᕆᐊᓕᕗᑦ ᐳᐃᒍᕈᓐᓇᐃᓗᒋᓗ ᐃᓅᓱᑦᑐᐃᑦ, ᐃᓚᖏᑎᒍᑦ ᑕᐃᒪᐃᑦᑐᕕᓂᐅᒋᐊᖓ ᖃᐅᔨᒪᕙᓗᖕᖏᒪᑕ.
ᓴᓇᔭᐅᒪᔪᑦ ᐃᓄᑦᔪᐊᒥ
ᐊᐅᓚᔪᓂᖅ ᐃᓅᓱᑦᑐᒧᑦ ᓄᓇᓕᒻᒦᒧᑦ ᐃᓕᓴᕐᓱᑎᒃ ᐊᑦᔨᓕᐊᕕᓂᖏᑦ
ᐅᐱᕐᖔᒥ 2012ᒥ, ᒫᑕ ᒪᐃ ᓇᕐᑕᐃᕌᓗᒃ, ᓯᐊᔭ ᓵᒥᓵᒃ ᓚᐃᓇᔅ ᖃᓴᓪᓗᐊᓗ ᐊᑦᔨᓕᐅᕆᓚᐅᔪᕗᑦ, ᑐᑭᒧᐊᑦᑎᓯᑦᓱᑎᒃ, ᓇᑲᑎᕆᑦᓱᑎᓗ ᓴᓇᔭᐅᒪᔪᑦ ᐃᓄᑦᔪᐊᒥ Made In Inukjuak, ᐊᑦᑐᑕᐅᓇᕐᑐᖅ ᐊᐅᓚᔫᖅ ᓇᐃᑦᑐᖅ ᐅᓂᒃᑳᑐᖅ ᐱᒻᒪᕆᐅᓂᖓᓂ ᐃᓗᕐᖁᓯᐅᑉ ᐱᐅᓰᓪᓗ ᐊᑐᕐᑕᐅᓂᕆᓲᖏᓐᓂ. ᐃᓅᓯᖏᓐᓄᑦ ᐃᑎᑲᐃᓐᓇᕆᑦ ᐊᑏ!